Цицерон дана айтқандай, «тарих - өткеннің куәгері, ақиқаттың жарығы, тірі ес, өмір ұстазы және баяғы заманның хабармашысы». Дәл сол жады түбінде адам тағдырының тарихы, миллиондаған шынайы ақиқат пен басты сұрақтарға жауаптар сақталады. Қасым Қайсенов өзінің жазба еңбектерінде қазақтардың 20-ғасырдың басындағы өмірін баяндаған («Менің балалық шағымның елі» повесті), сондай-ақ Ұлы Отан Соғысының ең қиын кезеңдерін, ең бастысы адамзат баласы тарихты ұмытпасын, өткеннің қателігін қайталамасын деген мақсатпен тура және толық сипаттаған.

Қасым Қайсенов – Қазақстан Республикасының Халық Батыры, Қазақстан Жазушылар Одағының мүшесі, Ұлы Отан соғысының ардагері. Оның марапаттарының тізімі бір ұзын жолды құрайды және оны бір оқығаннан жаттап үлгермейсің: А.Фадеев атындағы халықаралық сыйлықтың лауреаты, «Отан» орденімен, ІІ дәрежелі «Богдан Хмельниц-кий» орденімен, І және ІІ дәрежелі «Отан соғысы» екі орденімен, «Чехосло-вакия партизандары», екі І дәрежелі «Отан соғысы партизанына» медалімен және Кеңес Одағының тағы басқа он бес медалімен, үш рет Қазақ КСР Жоғарғы Кеңесінің Құрмет Грамотасымен, Украин КСР Жоғарғы Кеңесінің Құрмет Грамотасымен және ІІ және ІІІ дәрежелі «За заслуги» орденімен марапатталған.

Осы жоба өмірінің жалғыз серігі және асыл жары болған Асыл Қайсенова бастаған Қасым Қайсеновтің туыстары мен жақындарының қолдауымен құрылып отыр. Осында сақталған әңгімелер, очерктер, өлеңдер, мақалалар мен естеліктер – Ұлы тұлғаның және Жазушының бірегей мұрасы ғана емес, жас ұрпақ пен іздемпаз оқырман үшін баға жетпес құндылық болып табылады.